Դատախազությունն Անի Սամսոնյանի դիմումը հասցեագրել է Ոստիկանություն

ԱԺ «Լուսավոր Հայաստան» խմբակցության պատգամավոր Անի Սամսոնյանի կողմից հանցագործության մասին հաղորդումը Դատախազությունը հասցեագրել է Ոստիկանություն։ Այս մասին այսօր՝ ապրիլի 6-ին, ֆեյսբուքյան իր էջում գրել է Անի Սամսոնյանը։

Նա, մասնավորապես, գրել է.

«Հարգելի գործընկերներ,

սույն թվականի մարտի 12-դիմել էի ՀՀ Գլխավոր դատախազ Արթուր Դավթյանին, որպեսզի «Հեղափոխության պահապաններ» անունը կրող խմբակի՝ առերեւույթ հանցակազմի տարրեր պարունակող գործողությունների մասով ուսումնասիրություն կատարելու եւ քրեական գործ հարուցելու ուղղությամբ։

Դատախազությունը դիմումս հասցեագրել է Ոստիկանություն։ Ինձ պատասխանել են, որ հանցագործության մասին հաղորդումս ուղարկվել է ՀՀ ՔԿ Երեւան քաղաքի քննչական վարչության Արաբկիր վարչական շրջանի քննչական բաժին՝ նույն փաստի վերաբերյալ քննվող քրեական գործին կցելու եւ համատեղ ընթացքը որոշելու համար։

Հիշեցնեմ, որ ես հանցագործության մասին հաղորդումը ներկայացրել է էի Քրեական օրենսգրքի 322 (Ինքնիրավչություն) 223.2 223.3 (Քրեական ենթամշակույթ) հոդվածներով։

Որպես ՀՀ Ազգային ժողովի պատգամավոր՝ Քրեական հետապնդում իրականացնող մարմնից ակնկալում եմ գործի բազմակողմանի, լրիվ եւ օբյեկտիվ ուսումնասիրություն։

Հայաստանը ինքնադատաստանի երկիր չի»։