Թբիլիսիի հեռուստաաշտարակը լուսավորվել է ԱՄՆ դրոշի գույներով՝ ի պաշտպանություն կորոնավիրուսի դեմ ԱՄՆ-ի պայքարի
Թբիլիսիի հեռուստաաշտարակը լուսավորվել է Ամերիկայի Միացյալ Նահանգների դրոշի գույներով՝ ի պաշտպանություն կորոնավիրուսի դեմ ԱՄՆ-ի պայքարի։
«Վրաստանը միշտ կանգնած է եղել և մնալու է ԱՄՆ-ի կողքին։ Մենք հավատում ենք Ամերիկայի հաղթանակին»,- ասված է Թբիլիսիի քաղաքապետարանի ուղերձում։
Մի քանի օր առաջ Թբիլիսիի հեռուստաաշտարակը լուսավորվել էր Իտալիայի դրոշի գույներով՝ ի նշան իտալացի ժողովրդի հետ համերաշխության։ Այնուհետեւ մայրաքաղաքում հեռուստաաշտարակը լուսավորվել էր Իսպանիայի դրոշի գույներով։
Աշխարհում կորոնավիրուսով վարակվածների թվով առաջատարն ԱՄՆ-ն է, որտեղ արձանագրվել է 277 522 դեպք, որոնցից 7 403-ը՝ մահվան ելքով։
