Մոսկվայում կորոնավիրուսով վարակված երկու հիվանդ է մահացել. РИА Новости

Մոսկվայում երկու մարդ է մահացել, որոնց մոտ ավելի վաղ կորոնավիրուս էր հայտնաբերվել: Այս մասին տեղեկացնում է РИА Новости-ն՝ հղում անելով հիվանդության վերահսկման հարցերով մայրաքաղաքային օպերատիվ շտաբին:

Նշվում է, որ հիվանդները 88 և 73 տարեկան էին: Նրանց մոտ թոքաբորբ էր ախտորոշվել, նրանք նաև հարակից ուղեկցող հիվանդություններ ունեին:

Շտաբից հիշեցրել են, որ տարեց մարդիկ և քրոնիկ հիվանդություններ ունեցողները պետք է անպայման ինքնամեկուսացման ռեժիմ պահպանեն:  

Ռուսաստանում COVID-19 կորոնավիրուսով վարակվել է 658 մարդ, որոնցից 29-ը ապաքինվել են: Կորոնավիրուսի համավարակը տարածվել է ավելի քան 170 երկրում: