Իսպանիայում մահացել է կորոնավիրուսավ վարակված Վրաստանի երկրորդ քաղաքացին: Այս մասին հայտնել է կորոնավիրուսի դեմ պայքարի գիտական կենտրոնի ղեկավար Պաատա Իմնաձեն: 

«Դժբախտաբար, մեր հայրենակիցը մահացավ Իսպանիայում: Մենք տեղեկություն ենք ստացել Իսպանիայի ԱԳ նախարարությունից, որ կորոնավիրուսից մահացել է մեր քաղաքացուհին, երիտասարդ կին է, ում մոտ նաեւ քաղցկեղային հիվանդություն է հայտնաբերվել: Ներկա պահին Իսպանիայի իշխանությունները կապի մեջ են նրա ընտանիքի հետ աջակցություն ցույց տալու համար»,- հայտարարել է Պաատա Իմնաձեն: Հիշեցնենք, որ օրեր առաջ Իսպանիայում կորոնավիրուսից մահացել էր Վրաստանի եւս մեկ քաղաքացի: