Մանե Թանդիլյանը հանձնաժողովի նիստի մասնակիցներին արգելեց հանել դիմակները
Հանձնաժողովի և ՀՀ գիտակրթական, գործարար ու հասարակական կազմակերպությունների միջև 2019 թ. սեպտեմբերի 3-ին ստորագրված համագործակցության հուշագրի կողմերի 2020-2021 թվականների գործունեության ծրագրի նախագծի քննարկման ժամանակ զեկուցող «Տնտեսական իրավունքի կենտրոն» ՀԿ նախագահ Մովսես Արիստակեսյանը խնդրեց հանել դիմակը, որպեսզի ավելի ազատ խոսի, սակայն հանձնաժողովի նախագահը թույլ չտվեց:
«Չէ՛, պահե՛ք, բոլորս պահած ենք, համեցե՛ք, հավատացնում եմ ձեզ, հեշտ է, իմ փորձից»,-ասաց Մանե Թանդիլյանը:
Արիստակեսյանն, այնուամենայնիվ, դիմակով զեկուցեց, բայց զեկույցի ընթացքում դժվարացավ արագ խոսել, ասաց
«Կներեք, շունչս կտրվում է, դրա համար դանդաղ պիտի խոսեմ, ուզում էի 3 րոպեի մեջ տեղավորվել»:
Հանձնաժողովի անդամները հորդորեցին չշտապել, իսկ տնտեսագետը զեկույցի ընթացքում դադար էր տալիս, շունչ քաշում, հետո նորից շարունակում:
