Սևան-Դիլիջան ավտոճանապարհին վթար է տեղի ունեցել
Մարտի 9-ին, ժամը 19:50-ին Ճգնաժամային կառավարման ազգային կենտրոն ահազանգ է ստացվել, որ Գեղարքունիքի մարզի Ծովագյուղ գյուղի խաչմերուկում տեղի է ունեցել ՃՏՊ, տուժածներ չկան:
Դեպքի վայր է մեկնել ԱԻՆ ՓԾ մարզային փրկարարական վարչության հատուկ ջրափրկարարական ջոկատի օպերատիվ խումբը:
Պարզվել է, որ Սևան-Դիլիջան ավտոճանապարհի 7-րդ կմ-ին «Mercedes E» մակնիշի ավտոմեքենան (վարորդ՝ Արմեն Հ.) դուրս է եկել ճանապարհի երթևեկելի հատվածից և բախվել արգելապատնեշին:
Փրկարարները հոսանքազրկել են ավտոմեքենան և փակել գազի բալոնի փականը:
