Գյումրիում կնոջ սպանության և նրա դստերը մարմնական վնասվածք հասցնելու մեջ մեղադրվողը կալանավորվել է
Գյումրիում 43-ամյա կնոջ սպանության և նրա դստերը ծանր մարմնական վնասվածք հասցնելու համար մեղադրվող 28-ամյա երիտասարդը կալանավորվել է: Այս մասին տեղեկացրել են ՀՀ գլխավոր դատախազության հանրային կապերի բաժնից:
Կենցաղային վեճի և խանդի հողի վրա 28-ամյա երիտասարդը Գյումրիում ծեծի էր ենթարկել 43-ամյա ընկերուհուն և նրա 13 տարեկան դստերը։
Տղամարդը բերման էր ենթարկվել Ոստիկանության Գյումրիի Մուշի բաժին: 43-ամյա կինը մահացել էր, իսկ 13-ամյա աղջկա վիճակը ծանր է, նա այսօր առաջին անգամ սկսել է ինքնուրույն շնչել:
