Երևան-Երասխ ճանապարհին բախվել են Volkswagen-ն ու Opel-ը, վերջինս կողաշրջված ընկել է ձորը
Մարտի 9-ին խոշոր ավտովթար է տեղի ունեցել Արարատի մարզում։ Ժամը 13։30-ի սահմաններում Երևան-Երասխ ավտոճանապարհի 25 կմ հատվածում բախվել են Երևանի բնակիչ, 23-ամյա Իլոնա Թ․-ի վարած Volkswagen Golf-ը և Արարատի մարզի բնակիչ, 22-ամյա Կառլեն Հ․-ի վարած Opel Vectra-ն։ Այդ մասին հայտնում է shamshyan.com-ը։
Ըստ նախնական տեղեկության՝ վթարի հետևանքով տուժածներ չկան։ Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի տեսուչներ Հակոբ Հովհաննիսյանն ու Էդուարդ Սաֆարյանը։
Աղբյուրը հայտնում է, որ բախման հետևանքով Opel-ը դուրս է եկել ճանապարհի երթևեկելի գոտուց և կողաշրջված վիճակում հայտնվել ձորակում, իսկ Volkswagen-ը բախվել է ճանապարհի երթևեկելի գոտու արգելապատնեշին։
Դեպքի փաստով նյութեր են նախապատրաստվում։ Վարորդները տեղում ենթարկվել են սթափության փորձաքննության, պարզվել է, որ եղել են սթափ։
