20-ամյա տղայի ատամի արմատը հայտնվել էր հայմորյան խոռոչում

Սուրբ Գրիգոր Լուսավորիչ բժշկական կենտրոնից տեղեկացնում են, որ 20 տարեկան տղան ԲԿ-ի քիթ- կոկորդ-ականջաբանության բաժանմունք է դիմել քթից հաճախակի թարախի արտադրության, անտանելի գլխացավերի գանգատով:

Ունեցել է ընդհանուր թուլություն: Նա նկարագրել է, որ այդ վիճակում է վերջին մի քանի տարին: КТ հետազոտության արդյունքում հայմորյան խոռոչում հայտնաբերվել է ատամի մեծ արմատ: Պացիենտը պատմել է, որ տարիներ առաջ հեռացրել են ատամը և չի պատկերացրել, որ առողջական գանգատների պատճառը հեռացված ատամի արմատն էր, որը հայտնվել էր հայմորյան խոռոչում։

Կատարվել է վիրահատություն` ձախակողմյան հայմորոտոմիա` օտար մարմնի հեռացմամբ: Վիրահատությունից հետո տղան իրեն լավ է զգում, նախկին առողջական խնդիրները վերացել են: