ՏԵՍԱՆՅՈՒԹ. Հրապարակվել են երեկ Երևանում «յաշիկի» և Nissan-ի մասնակցությամ խոշոր ավտովթարի կադրերը. կա 5 վիրավոր

Հրապարակվել է երեկ՝ փետրվարի 14-ին, Երևանում տեղի ունեցած խոշոր ավտովթարի բացառիկ տեսանյութը, որն արձանագրվել է տեսախցիկի կողմից։ 

Ինչպես հայտնում է Shamshyan.com-ը՝ պարզվել է, որ Mercedes G55 մակնիշի ավտոմեքենան վարել է Երևանի բնակիչ՝ 24-ամյա Գոռ Նալբանդյանը, կայանված վիճակում գտնվող BMW մակնիշի ավտոմեքենան պատկանում է Արարատի մարզի բնակիչ՝ 38-ամյա Անդրանիկ Վարանյանին։ 

Հիվանդանոց են տեղափոխվել Nissan-ի մեջ գտնվողներ՝ Երևանի բնակիչներ, 28-ամյա Արմեն Մկրտչյանը, 29-ամյա Դավիթ Վարդանյանը, 28-ամյա Գայանե Սարգսյանը, ինչպես նաև «յաշիկի» ուղևորներ՝ Երևանի բնակիչներ, 24-ամյա Հայկ Կարապետյանն ու 25-ամյա Մարատ Խաչատրյանը։ Վերջիններս տեղափոխվել են «Էրեբունի» բժշկական կենտրոն։ Ոստիկանությունը պարզում է Nissan-ի վարորդի ինքնությունը։ 

Երեկ՝ փետրվարի 14-ին, խոշոր ավտովթար էր տեղի ունեցել Երևանում: Ժամը 16:10-ի սահմաններում Բագրատունյաց պողոտայում բախվել էին Mercedes G 55 մակնիշի 35 XF 623 համարանիշի և Nissan March մակնիշի 35 TF 824 համարանիշի ավտոմեքենաները: Բախման հետևանքով «յաշիկը» կողաշրջվել էր, Nissan-ն էլ առաջ ընթանալով՝ բախվել էր ճանապարհի թույլատրելի հատվածում կայանված BMW X5 մակնիշի 36 FV 967 համարանիշի ավտոմեքենային: