ՏԵՍԱՆՅՈՒԹ․ Մայրաքաղաքի մի շարք երթուղայինների վարորդները գործադուլ են հայտարարել

Auroranews-ըահազանգ է ստացել, որ վաղ առավոտից մայրաքաղաքի 10 երթուղի սպասարկող տասնյակ երթուղայինների վարորդներ բողոքի ակցիա են անցկացնում: 

Պարզվում է, որ գծատիրոջը հատկացվող գումարի՝ «պլանի» չափը ավելացվել են 1500 դրամով, հասցնելով մոտ 28000-ի։ 

«Չենք կարողանում օրվա սահմանված «պլանը» կատարել, որն էլ ի դեպ 27.700 դրամ է կազմում, իսկ մենք ուղևորից 100 դրամ ենք ստանում։ Այս պայմաններում չենք պատրաստավում երթուղի դուրս գալ»,- մեզ հետ զրույցում ասացին գործադուլ հայտարարած վարորդները։ 

Վարորդները նշում են, որ գծատերերը տեղյակ են խնդրից: «Մեր պահանջը՝ թող մեր գազի գինը կամ գծատիրոջը հատկացվող գումարի չափը նվազեցնեն, որ մենք կարողանանք աշխատենլ: Առավոտից իրիկուն աշխատում ենք ու առանց կոպեկ մտնում տուն: Որպեսզի գումար աշխատենք 13 տեղանոց գազելի մեջ 20-ից ավելի մարդ ենք վերցնում, «պրես» արած քշում ենք: Երթուղայինի մեջ նույնիսկ ոտքի տեղ չի մնում: Մենք էլ ենք ամաչում, բայց ինչ անենք»,- ասացին նրանք։ 

Ի դեպ, րոպեներն առաջ տեղեկացանք, որ Երևանի տրանսպորտի վարչությունից են մոտոցել, որպեսզի խնդիրն ծանոթանան, սակայն այս պահին դեռ համաձայնության չեն եկել վարորդների հետ։ 

Նշենք, որ գործադուլ են հայտարարել թիվ 1, 10, 12,13,19, 21, 23, 25, 29, 34 համարների երթուղայինների վարորդները: