Ճապոնիայի ջրերում գտնվող կրուիզային նավի ևս 60 ուղևորի մոտ կորոնավիրուս է հայտնաբերվել

Ճապոնիայի ջրերում գտնվող Diamond Princess նավի վրա նոր տեսակի կորոնավիրուսով վարակվածների թիվը երկուշաբթի ավելացել է 60-ով և հասել 130-ի, հայտնում է channelnewsasia.com կայքը: 

Նախօրեին համարվում էր, որ կրուիզային նավի վրա գտնվող գրեթե 3700 մարդուց վարակվել է 70 ուղևոր և անձնակազմի անդամ: Նավի վրա կարանտին էր սահմանվել մինչև փետրվարի 19-ը, որը, սակայն, կարող է երկարաձգվել: 

Ինչպես ավելի վաղ հայտնել էր Ճապոնիայի առողջապահության նախարար Կացունոբու Կատոն, նախքան Diamond Princess կրուիզային նավի բոլոր ուղևորների և անձնակազմի անդամների ափ իջնելը, Ճապոնիան դիտարկում է նավի վրա գտնվող բոլոր մարդկանցից կորոնավիրուսի թեստ վերցնել: Ավելի վաղ անալիզներ վերցվել են ուղևորների և անձնակազմի միայն մի մասից, որոնց հիվանդությունը կարող էր փոխանցվել նախկինում Հոնկոնգում գտնված և վարակված ուղևորներից: Մնացած մարդիկ ամեն չորս ժամը մեկ չափում են մարմնի ջերմաստիճանը և ախտանշանների հայտնաբերման դեպքում պետք է տեղյակ պահեն նավի վարչակազմին: 

Նոր կորոնավիրուսով վարակված առաջին հիվանդի հայտնաբերումից հետո Diamond Princess կրուիզային նավը Յոկոհամայի նավահանգստում կարանտինային գոտի է տեղափոխվել: