ԼՈՒՍԱՆԿԱՐՆԵՐ. Ֆրանսիայում բժիշկները փրկել են արբալետով գլխին կրակած տղամարդու կյանքը
Ֆրանսիայում Ռեյմսի համալսարանական կլինիկական կենտրոնի բժիշկները փրկել են 28-ամյա մի տղամարդու, որի գլխին արբալետով կրակել էին: Այս մասին գրում է France 3-ը:
Ավելի ուշ պարզ է դարձել, որ 28-ամյա տղամարդը որոշել է կյանքին վերջ տալ, քանի որ բժանվել էր սիրած աղջկանից: Նա ընտրել էր ինքնասպանության օրիգինալ տարբերակ` աղեղնազենով կամ արբալետով ինքն իրեն կրակել է:
Աղեղը կզակի հատվածից մտել է գլուխ: Այն անցել է ամբողջ գանգի միջով և ճակատի մեջտեղից դուրս եկել: Բժիշկների ժամանման պահին դժբախտ սիրահարը եղել է գիտակից վիճակում: Վերջինս հոսպիտալացվել է:
Վիրաբույժներին հաջողվել է կտրել սլաքը և այն հանել հիվանդի գլխից ու փրկել կյանքը: Վիրահատությունից հետո տղամարդը երկու օր գտնվել է ինտենսիվ թերապիայի բաժանմունքում, այնուհետև տեղափոխվել ԼՕՌ բաժին, այնուհետև` հոգեբուժական բաժանմունք:
