ԱՄՆ-ը որոշել է շանտաժի ենթարկել աշխարհը

ԱՄՆ իշխանությունները որոշել են աշխարհին շանտաժի ենթարկել՝ Առեւտրի համաշխարհային կազմակերպության (ԱՀԿ) համաձայնագրերից մեկից դուրս գալով, գրում Է Bloomberg-ը: Այն վերաբերում է կառավարական գնումների կանոններին։

Համաձայնագիրը, որից դժգոհ են Վաշինգտոնում, մասնակից երկրներին պարտավորեցնում է բացել պետական գնումների սեփական շուկան արտասահմանյան ընկերությունների համար եւ այն դարձնել ավելի մրցունակ: ԱՄՆ նախագահ Դոնալդ Թրամփի վարչակազմը կարծում է, որ դա հակասում է ազգային շահերին։

Նշվում է, որ գնումների ընդհանուր ծավալը, որը կարգավորում է վիճահարույց համաձայնագիրը, կազմում է 1,7 տրիլիոն դոլար: Դրանից՝ ԱՄՆ-ի դուրս գալը կարող է անորոշության հանգեցնել պետական գնումների ամերիկյան շուկայում (դրա ծավալը գնահատվում է 837 մլրդ դոլար) եւ վախեցնել արտասահմանյան ընկերություններին:

2019 թվականի օգոստոսին Թրամփն արդեն ասել էր, որ ԱՄՆ-ն կարող է դուրս գալ ԱՀԿ-ից, Եթե դա անհրաժեշտ լինի։ Սակայն այդ ժամանակից ի վեր դրա համար կոնկրետ քայլեր չեն ձեռնարկվել։