Ամեն փոքր քաղաք չի կարող լավ տեխնիկայով ու կադրերով հագեցված ծննդատուն ունենա. Իոաննիսյան
Դանիել Իոաննիսյանն իր ֆեյսբուքյան էջում գրել է. «Հայաստանում երեխաները պետք է ծնվեն բարձրորակ, տեխնիկապես ու կադրերով լավ հագեցված ծննդատներում: Սա է նորածինների և ծննդկանների մահացիության նվազեցման հիմնական մեխանիզմներից մեկը:
Եթե այդ նպատակի համար պետք է ծննդատները խոշորացնել, միավորել ու ծննդկաններին ստիպել, որ մի 20-30 կմ անցնեն (առավելևս՝ Սուրեն Պապիկյանենց գցած ճանապարհներով), ուրեմն դա պիտի արվի: Եկեք ազնիվ լինենք, ամեն փոքր քաղաք չի կարող լավ տեխնիկայով ու կադրերով հագեցված ծննդատուն ունենալ:
Դեռ Սովետից եկած ու նախորդ իշխանությունների ժամանակ շարունակված «Ժողովրդի համար գյուղի պոլիկլինիկա, իսկ էլիտայի համար թույն հիվանդանոց» վիճակներին պետք է վերջ տալ և Արսեն Թորոսյանը անում է դա:
