Մի երկու կատակ արեցինք․ Արարատ Միրզոյանը՝ Հրայր Թովմասյանի հետ զրույցի մասին
Հրայր Թովմասյանի հետ մի երկու կատակ արեցինք, այդքան բան։ Այս մասին այսօր լրագրողների հետ զրույցում ասաց ԱԺ նախագահ Արարատ Միրզոյանը՝ անդրադառնալով դիտարկմանը, թե սուրբծննդյան տոնի օրը հանդիպել են Հրայր Թովմասյանին, արդյոք նա բարձրաձայնել է իր մտահոգությունները։
«Այնպես չէ, որ մենք քնում-զարթնում ենք միայն այս խնդրի մասին մտածելով և որ մեր գերնպատակն է Հրայր Թովմասյանին ՍԴ նախագահի պաշտոնից հեռացնելը,- ասաց Միրզոյանը։
Հարցին, թե իշխանությունները ՍԴ դատավորների մասին անձնական տեղեկություններ են հավաքում, անգամ արտաամուսնական կապերի մասին, որ հարկ եղած դեպքում, օգտագործի, Միրզոյանը պատասխանեց.«Ժողովուրդ ջան, եկել եք անհեթեթ բաների մասին ինձ հարցեր եք տալիս։ Ես այդքան ժամանակ չունեմ, որ որևէ մտացածին վարկածներ մեկնաբանեմ»։
