Անտառում հրդեհ է բռնկվել. մթության պատճառով աշխատանքները դադարեցվել են
Դեկտեմբերի 20-ին, ժամը 14:56-ին «911» ծառայություն տեղեկություն է հաղորդվել, որ հրդեհ է բռնկվել Լոռու մարզի Մարց և Քարինջ գյուղերի միջև գտնվող անտառում:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը:
Հրդեհը մեկուսացվել է ժամը 18։07-ին։
Ժամը 18։10-ին մթության պատճառով աշխատանքները դադարեցվել են։
Մոտ 10 հա տարածքում այրվել են խոտածածկույթ, տերևներ և կոճղեր, ջերմահարվել են ծառեր։
