ՏԵՍԱՆՅՈՒԹ. Փայտանյութով բեռնված մի քանի մեքենաներ են հայտնաբերվել
Դեկտեմբերի 17-ին ոստիկանության Թումանյանի բաժնում ստորաբաժանման անձնակազմի և «Հայանտառ» ՊՈԱԿ-ի Լալվարի, Դսեղի և Ջիլիզայի անտառտնտեսությունների տնօրինության և աշխատակիցների մասնակցությամբ տեղի է ունեցել խորհրդակցություն։
Այդ մասին հաղորդում է ոստիկանության լրատվական ծառայությունը:
Քննարկվել են անտառահատումների կանխարգելման և բացահայտման ուղղությամբ համատեղ միջոցառումների մանրամասներ և ձեռք բերվել մի շարք համաձայնություններ։
Նույն օրը ոստիկանության Թումանյանի բաժնի ծառայողներն իրականացրել են ուժեղացված ծառայություն՝ ապօրինի ծառահատումների բացահայտման և կանխարգելման ուղղությամբ։
Արդյունքում ոստիկանության Թումանյանի բաժնի պահպանվող հատուկ տարածք է տեղափոխվել փայտանյութով բեռնված մի քանի մեքենա։
Հայտնաբերվածի փաստերով նախապատրաստվում են նյութեր։
