Վաղարշապատի Գարեգին Նժդեհի անվան թիվ 8 դպրոցում այսօր երկրորդ օրն է շարունակվում է դասադուլը եւ գործադուլ ընդդեմ նորանշանակ տնօրենի։ NEWS.am-ի հետ զրույցում աշակերտների ծնողներն ասել են, որ սպասում են մարզպետարանի պարզաբանմանը, թե ինչ հիմքով են 1 ձայն պակաս ստացած թեկնածուին նշանակել տնօրեն: 

Դպրոցի տարածքում ծառայություն են իրականացնում նաեւ ոստիկանության աշխատակիցներ, իսկ նրանցից մեկը ուսուցիչների եւ ծնողների հետ փակ քննարկում է անցկացրել:

«Եկել մեր գլխի տակ փափուկ բարձ են դնում, որ դասապրոցեսը չխաթարենք, բայց չեն կարողանալու, մենք հետ չենք կագնելու մեր որոշումից: Ասում ենք ինչո՞ւ մարզպետարանից հիմա չեն գալիս, մեզ պատասխանում են, թե մարզպետարանում հիմա իրենց եփած բորշչն են ուտում»,- լրատվականին ասել են ծնողները:

Առավել մանրամասն՝ սկզբնաղբյուր կայքում