Քաղաքացու ահազանգով քաղաքապետարանը պատշգամբի վտանգը չեզոքացրել է
«Ֆեյսբուք»-ի օգտատեր Վահրամ Մարտիրոսյանը կրկին անդրադարձել է Արշակունյաց 3 ա շենքի փողոցահայաց պատշգամբի խնդրին՝ այս անգամ նշելով, որ վտանգը չեզոքացվել է:
Նա գրել է, որ խնդրո առարկա պատշգամբը բերվել է անվտանգ վիճակի։
«Քաղաքապետարանի շինվարչության աշխատակիցները կիրակի օրով այցելել են դեպքի վայր, իրենց ոտքը խերով, վտանգը չեզոքացված է եղել (տես՝ առաջին լուսանկարը, որը երեկ ստացա քաղաքապետարանի մամուլի քարտուղար Հակոբ Կարապետյանից)։ Ըստ ամենայնի՝ սեփականատիրոջ ջանքերով։
Բայց մեկ ամսից ավելի հազարավոր մարդիկ քայլեցին քարաթափման մահացու վտանգի տակ, ԱԻՆ-ին ու քաղաքապետարանին իմ ահազանգելուց հետո:
Երևի թե համակարգային լուծման խնդիր կա. Հակոբը խոստացել է մոտակա օրերին տեղեկացնել օրենսդրական կարգավորման ընթացքի մասին»,- գրել է օգտատերը։
