Ադրբեջանի դպրոցներում գլոբուսներ են հայտնվել, որոնց վրա Արցախը և Նախիջևանը Հայաստանի մաս են ներկայացվում

Ադրբեջանի դպրոցներում հայտնվել են չինական արտադրության գլոբուսներ, որոնց վրա որպես Հայաստանի մաս են ներկայացված թե՛ Արցախը եւ թե՛ Նախիջեւանը: Այս մասին ֆեյսբուքյան իր էջում գրառում է արել իրանագետ Արտյոմ Տոնոյանը:  

«Չինացիք, ի տարբերություն շատ ժողովուրդների, կարողանում են տեսնել ոչ միայն ներկան, այլև՝ ապագան»,- նշել է նա:

«Հայ-չինական բարեկամություն» հեշթեգի ներքո նա գրել է. «Մինչ Իլհամ Ալիևն ու սրա կամակատարները, իրար հերթ չտալով հայտարարում են, թե՝ «Ղարաբաղն Ադրբեջան է և բացականչական նշան», Ադրբեջանի հանրակրթական դպրոցները համալրվել են չինական արտադրության նոր գլոբուսներով, որոնց վրա՝ որպես Հայաստանի մաս է ներկայացված ոչ միայն Արցախը, այլ նաև՝ Նախիջևանը»: