Նեպալում ավտոբուսը 500 մ բարձրությունից ընկել է. կան զոհեր և վիրավորներ
Նեպալում ավտոբուսը 500 մ բարձրությունից ընկել է, որի հետևանքով առնվազն 14 հոգի մահացել է, կան տուժածներ։ Այս մասին հաղորդում է Himalayan Times-ը՝ հղում անելով իրավապահներին։
Հաղորդվում է, որ ավտոբուսը ուղևորվելիս է եղել Նեպալի մայրաքաղաք Կատմանդու։
Իրավապահների տվյալներով՝ ավտոբուսում հինդու ուխտավորներ են եղել։ 12-ը տեղում մահացել են, իսկ երկուսը՝ հիվանդանոցում։
Ենթադրաբար, վթարը տեղի է ունեցել այն պատճառով, որ վարորդը կորցրել է մեքենայի կառավարումը, ավտոբուսը ճանապարհից սահել է և մոտ 500 մ բարձրությունից ընկել։
Ներկա պահին իրավապահներն ու տեղի բնակիչները փրկարարական աշխատանքներ են կատարում:
