Ունենք աշխատակիցներ, որ չեն ցանկանում աջակցել. Բաթոյանը` պետական համակարգում առկա դիմադրության մասին
Դիմադրության մասով՝ այո, կա նման դիմադրություն։ Այս մասին այսօր լրագրողների հետ զրույցում ասաց ՀՀ աշխատանքի և սոցիալական հարցերի նախարար Զարուհի Բաթոյանն՝ անդրադառնալով վարչպապետ Նիկոլ Փաշինյանի նախօրերին կատարած դիտարկմանը, թե պետական համակարգում կա դիմադրություն։
«Իմ տեղակալները մեզ հետ միասին աշխատաել են, ունենք աշխատակիցներ, որ աջակցում են մեզ, ունենք աշխատակիցներ, որ չեն ցանկանում աջակցել, քանի որ չունեն համապատասխան կարողություններ։ Մյուսները՝ կարող են, բայց չեն աջակցում։ Խնդիրը լուծելու համար մենք ներգրավել ենք նոր աշխատակիները, ներդրել ենք նոր կաննոներ, որով նախատեսվում է խրախուսել կամ պատասխանատվության ենթարկել աշխատակիցների»,-ասաց նախարարը։
Նա նաև տեղեկացրեց, որ այս համատեքստում կարելի է դիտարկել նաև նախատեսվող կառուցվածքային փոփոխությունները։ Նախատեսվում է ստեղծել 2 նոր վարչություն՝ միավորելով մի շարք վարչություններ։ «Երրորդ սեռի վարչություն չենք ունենալու»,-ընդգծեց նախարարը։
