15 բնապահպան դատական հայց է ներկայացրել ընդդեմ Ավինյանի

15 բնապահպան դատական հայց է ներկայացրել ընդդեմ փոխվարչապետ Տիգրան Ավինյանի: Այս մասին Tert.am-ը տեղեկանում է Դատական տեղեկատվական համակարգից:

Գործն ուղարկվել է Երևան քաղաքի ընդհանուր իրավասության դատարան և մակագրվել դատավոր Դանիել Մխեյանին:

Դատական հայցով բնապահպաններ Թեհմինե Ենոքյանը, Անի Խաչատրյանը, Արթուր Գրիգորյանը, Լևոն Գալստյանը, Արկադի Գրիգորյանը, Միհրդատ Ներսիսյանը, Գագիկ Գրիգորյանը, Թեհմինե Հունանյանը, Սուսաննա Մարգարյանը, Հենրի Հարությունյանը,  Ասքանազ Հովհաննիսյանը, Բորիս Խաչատրյանը, Գոռ Այվազյանը, Աննա Շահնազարյանը, Միլենա Բաղդասարյանը պահանջում են պարտավորեցնել փոխվարչապետին հերքել զրպարտություն համարվող տվյալները։