Ուֆայից դեպի Երևան ուղիղ թռիչքներ կիրականացվեն
«Ռոսավիացիան» «Ազիմուտ» ավիաընկերությանը թույլատրել է շաբաթական երեք անգամ հաճախականությամբ Ուֆայից Երևան միջազգային թռիչքներ իրականացնել:
Ավիաընկերության մասնագետների խոսքով՝ այդ ուղղությունը հեռանկարային է, և արդեն սկսվել են նախապատրաստական աշխատանքները: Թռիչքները Բաշկորտոստանի մայրաքաղաքից դեպի Հայաստանի մայրաքաղաք նախատեսվում է սկսել հաջորդ տարի:
Շրջանի զբոսաշրջության ճյուղի ներկայացուցիչները, UfacityNews.ru-ի հարցումներին ի պատասխան, հաստատել են այդ ուղղության հեռանկարային լինելը: Փորձագետների կարծիքով՝ թռիչքը կարող է հետաքրքրել տուրօպերատորներին՝ Հայաստան փաթեթային շրջագայությունների ձևավորման առումով:
