Զանգեզուրի պղնձամոլիբդենային կոմբինատին նահանջել իր նախնական մտադրությունից. Գոհար Հայրապետյան
Հաղորդավար Գոհար Հայրապետյանը ֆեյսբուքյան էջում գրել է.
«Նախ, թույլ տվեք խորին շնորհակալություն հայտնել բոլոր կազմակերպություններին, իրավաբաններին, բնապահպաններին, լրագրողներին, հայաստանաբնակ և արտերկրում բնակվող մեր բազմաթիվ ազգակիցներին, որոնք աջակցեցին ինձ և 1in.am «Առաջին լրատվական»-ին: Նամակներ են ստացվել Երևանից, Կապանից, Քաջարանից, Սյունիքից, արտերկրից։ Նորանոր մանրամասներ հայտնի դարձան, բազմաթիվ ապօրինություններ ի հայտ եկան:
Ընդամենը մի քանի ժամում հասարակության ցուցաբերած միասնականությունը ստիպեց Զանգեզուրի պղնձամոլիբդենային կոմբինատին նահանջել իր նախնական մտադրությունից, հասկացալ, թե ինչ «պոչամբարի» մեջ է հայտնվել։ Քանի որ Արծվանիկի պոչամբարն արդեն բերնեբերան լցված է, և կոմբինատը դիմել է նոր պոչամբար ստեղծելու նպատակով հողատարածք հատկացնելու համար: Իսկ դա նշանակում է նոր բռնաբարված հողեր, նոր հիվանդներ ու նոր չծնված երեխաներ:
Ժամեր առաջ կոմբինատի տարածած հայտարարությունից պարզ դարձավ, որ ընկերությունն ի սկզբանե մտադիր չի եղել դատարան դիմել և ձեռնարկված միջոցները, վարձված փաստաբանը ընդամենը հերքում ստանալու նպատակով է եղել: Ինչևէ․․․
Այս ամենն առ ոչինչ կլիներ, եթե մենք չշարունակենք մեր պայքարը ռեսուրս պետությունից արժեք ստեղծող պետություն դառնալու ուղղությամբ:
Բոլոր շահագրգիռ նախաձեռնություններին, անհատներին, ուժերին, շրջանակներին առաջարկում եմ առաջիկայում կազմակերպել հավաք և մտածել հետագա անելիքների և քայլերի մասին: Առաջարկում եմ առաջիկա 15 օրվա ընթացքում կազմակերպել հավաք Երևանում, Քաջարանում կամ նույնիսկ Արծվանիկում:
Հանքերը դեռևս վայրենաբար կորզում են մեր ընդերքը՝ հետևողականորեն փորելով մեր հայրենիքի առանձին հատվածներում մեր ընչազուրկ հայրերի, մայրերի, եղբայրների, քույրերի և զավակների գերեզմանը։
Այսօրվա փոքրիկ հաղթանակը հնարավոր եղավ բացառապես բոլորիս միասնականության շնորհիվ, որովհետև հավատացինք, որ հանք կորզողների, երկիրը հարստահարողներինև մեզ բոլորիս պոչամբար նվիրողների հետ կիսելու հայրենիք չունենք:
Եվ ուրեմն՝ ի գործ․․․
Բոլորին, անխտիր ամենքին՝ շնորհակալություն» :
