Նիկոլ Փաշինյանը պարգևատրել է կոմպոզիտոր Ռոբերտ Ամիրխանյանին

ՀՀ վարչապետ Նիկոլ Փաշինյանն այսօր` նոյեմբերի 23-ին,  պարգևատրել է կոմպոզիտոր Ռոբերտ Ամիրխանյանին: Կոմպոզիտորը պարգևատրվել է Հայրենիքին մատուցած ծառայությունների համար առաջին աստիճանի շքանշանով:

Շքանշանը նրան է հանձնել վարչապետ Փաշինյանը, ով մասնակցում էր կոմպոզիտորի 80-ամյակին նվիրված երեկոյին:

Համերգին ներկայացվեցին ամիրխանյանական սիրված մեղեդիներ` «Ժպտա», «Այնպես ուզում եմ», «Կարմիր ծաղիկ մը գարունի», «Քեզ հետ, իմ սեր», «Հայրենի երկիր», «Հայի աչքեր», «Պույպույ մկնիկ» և այլ ստեղծագործություններ:

Բոլոր ստեղծագործությունները Ռոբերտ Ամիրխանյանի՝ ջազ-նվագախմբի և երգչախմբի համար արած նոր գործիքավորմամբ հնչեցին առաջին անգամ:

Համերգն անցկացվեց Կամերային երաժշտության ազգային կենտրոնի նախաձեռնությամբ և ՀՀ կրթության, գիտության, մշակույթի և սպորտի նախարարության առաջարկությամբ: