Թուրքիան հայտարարել է Ալ Բաղդադիի երեխայի ձերբակալության մասին
Թուրքիայի նախագահ Ռեջեփ Թայիփ Էրդողանը հայտնել է, որ Թուրքիայի ուժայինները ձերբակալել են «Իսլամական պետություն» ահաբեկչական խմբավորման սպանված սպանված առաջնորդ Աբու Բաքր Ալ Բաղդադիի երեխային: Այս մասին հաղորդել է ТАСС-ը հինգշաբթի՝ նոյեմբերի 7-ին:
«ԴՆԹ թեստը հաստատեց, որ նա Ալ Բաղդադիի երեխան է»,-ասել է Էրդողանը:
Մինչ այդ Թուրքիայի նախագահը հայտարարել է, որ ձերբակալվել են Աբու Բաքր Ալ Բաղդադիի «երկնիշ թվով» հարազատներ:
Նախագահի խոսքով՝ ահաբեկչի մերձավոր շրջապատը Թուրքիային թիրախ է դարձրել:
«Վերջինը (սիրիական) Աազազում ձերբակալել են նրա քրոջ ամուսնուն և նրանց երեխային և ուղարկել գաղթականների ճամբարներ»,-ասել է Էրդողանը:
Նա նաև նշել է, որ ձերբակալվածների հետագա ճակատագրի որոշողը լինելու է Թուրքիայի արդարադատության նախարարությունը:
