Կես միլիոն ֆունտ սթեռլինգով աճուրդի է հանվել Այվազովսկու կտավը

Christie’s աճուրդի տունը Լոնդոնում վաճառքի է հանելու Հովհաննես Այվազովսկու կտավը, հայտնում է Interfax-ը: Կտավը վաճառքի է հանվելու «Ռուսական արվեստի գլուխգործոցներ» աճուրդի շրջանակում:

Լոնդոնի աճուրդի կարևորագույն նմուշները նոյեմբերի 8-10 կցուցադրվեն Մոսկվայում, որոնց թվում` Հովհաննես Այվազովսկու կտավը:

Աճուրդի է հանվելու Այվազովսկու` 1873թ. ստեղծված «Մայրամուտը Իսկյայում» կտավը, որտեղ նկարիչը պատկերել է իր սիրելի վայրերից մեկը: Այվազովսկու նկարը գնահատվում է 300-500 հազար ֆունտ սթեռլինգ:

Աճուրդի տան ամենաթանկ նմուշը կդառնա Նիկոլայ Ֆեշինի «Дама за маникюром» կտավը, որը գնահատվում է 2-3 միլիոն ֆունտ սթեռլինգ: