Մասիս-Երևան ճանապարհին. 40-ամյա կինն ընկել է գնացքի տակ
Մեքենավարը նկատել է երկաթգծերի վրա հայտնված կնոջը, ձայնային ազդանշաններ է արձակել ու արգելակել։ Չնայած դրան, պատահարից խուսափել չի հաջողվել։
Sputnik Արմենիայի տեղեկություններով՝ Երևանից Երասխ ընթացող գնացքի տակ մոտ 40 տարեկան կին է ընկել։ Նա տեղում մահացել է։
Պատահարը տեղի է ունեցել Մասիս քաղաքից Ներքին Չարբախ տանող ճանապարհի հարևանությամբ գտնվող երկաթգծի հատվածում։
Մեքենավարը նկատել է երկաթգծերի վրա հայտնված կնոջը, ձայնային ազդանշաններ է արձակել ու արգելակել։ Չնայած դրան` պատահարից խուսափել չի հաջողվել։
Այս պահին դեպքի վայրում աշխատում են քննչական կոմիտեի և ոստիկանության ծառայողները, որոնք պարզում են մահացած կնոջ ինքնությունը։
Պատահարի բոլոր հանգամանքները կպարզի քննությունը։
