«Մել» ֆիլմի 20 մլն դրամը հատկացվել է մինչև իմ` նախարար դառնալը. Արայիկ Հարությունյան
Ծանրամարտիկ Մելինե Դալուզյանը տարիներ շարունակ ամենաբարձր մակարդակով Հայաստանը ներկայացրել է միջազգային ասպարեզում, Հայաստանի հիմնը բազմիցս հնչեցրել է, և մենք գումար ենք հատկացրել մեր չեմպիոնի կյանքի լուսաբանման համար: Այս մասին այսօր լրագրողների հետ զրույցում ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը՝ ավելացնելով, որ գումար հատկացվել է իր պաշտոնավարումից առաջ:
«Եթե մի փոքր լրագրողական հետաքննություն անցկացնեք, կհասկանաք, որ այդ գումարը հատկացվել է մինչև իմ` նախարար դառնալը»,- ասաց նա Հարությունյանը:
Հիշեցնենք, որ Ազգային կինոկենտրոնը 20 մլն դրամ է տրամադրել Մելինե Դալուզյանի մասին պատմող «Մել» ֆիլմի նկարահանման համար:
