ՏԵՍԱՆՅՈՒԹ. Շրջակա միջավայրի նախարարը անդրադարձել է Ամուլսարի հարցին
ՀՀ շրջակա միջավայրի նախարար Էրիկ Գրիգորյանին լրագրողները դարձյալ հարցրել են՝ ի՞նչ որոշվեց՝ շահագործվելո՞ւ է Ամուլսարի հանքը, թե՞ ոչ:
«Ամուլսարի կողմից ներկայացված են գործողություններ, ծրագիր և ազդեցություններ, որտեղ պատական մարմինները, ակադեմիայի ինստիտուտները և «Էլարդը» որոշակի անհամապատասխանություններ ունեն: Գործընթացներ քննչականն իրականացնում է, տեսչականը ներգրավված է: Եթե պարզվի, որ ներկայացված որոշակի տվյալներ, որևէ գործընթացներ մեր օրենքին հակասում են, դա ունի հետևանք, եթե պարզվի` ոչ, դա նույնպես ունի հետևանք»,- ասել է նախարարը` հավելելով, որ ճանապարհների փակ լինելը ավելի խոցելի է դարձնում այդ գործընթացներն իրականացնելու համար:
Նախարարն այն կարծիքին է, որ ուժ կիրառելու անհրաժեշտություն չի լինի:
Տեսանյութը` shantnews.am-ի:
