![Քրեական գործ է հարուցվել ֆուտբոլի ֆեդերացիայում. Fip.am](https://auroranews.am/storage/img/base_image/old/16b268ca621555efb1bdf21436273a05.webp)
Քրեական գործ է հարուցվել ֆուտբոլի ֆեդերացիայում. Fip.am
![Քրեական գործ է հարուցվել ֆուտբոլի ֆեդերացիայում. Fip.am](https://auroranews.am/storage/img/base_image/old/16b268ca621555efb1bdf21436273a05.webp)
Ոստիկանության կազմակերպված հանցագործության դեմ պայքարի գլխավոր վարչությունն անցյալ շաբաթ ուսումնասիրություն էր իրականացրում Հայաստանի ֆուտբոլի ֆեդերացիայում և նյութեր էր նախապատրաստում ապօրինի ձեռնարկատիրությամբ զբաղվելու փաստով։ Նախապատրաստված նյութերով արդեն հարուցվել է քրեական գործ։ Այդ մասին «Փաստերի ստուգման հարթակին» տեղեկացրել են ոստիկանության լրատվական ծառայությունից։
Fip.am-ը հոկտեմբերի 12-ին «Ռուբեն Հայրապետյանի ընկերությունը՝ ֆուտբոլի ակադեմիաների կառուցապատող» վերնագրով հետաքննություն էր հրապարակել, որում պարզել էր, որ Հայաստանում գործող ֆուտբոլի բոլոր ակադեմիաները կառուցվել են մեկ ընկերության՝ «Զեյթունի կահույքի ֆաբրիկա» ԲԲԸ-ի կողմից, որի բաժնեմասերը պատկանում են ՀՖՖ նախկին նախագահ Ռուբեն Հայրապետյանին։
Ոստիկանությունից հայտնեցին, որ քրեական գործն ուղարկվել է Պետական եկամուտների քննչական վարչություն, որտեղից լրատվականին տեղեկացրել են, որ ՊԵԿ քննչականը դեռևս նման գործ չի ստացել։ Քրեական գործի հարուցման մասին դեռ տեղյակ չեն նաև ֆուտբոլի ֆեդերացիայում։