![Վարորդը մահացու վրաերթի է ենթարկել երիտասարդին ու դիմել փախուստի (լուսանկարներ)](https://auroranews.am/storage/img/base_image/old/acb9c6efa41b4b9190deee2ee6d01269.webp)
Վարորդը մահացու վրաերթի է ենթարկել երիտասարդին ու դիմել փախուստի (լուսանկարներ)
![Վարորդը մահացու վրաերթի է ենթարկել երիտասարդին ու դիմել փախուստի (լուսանկարներ)](https://auroranews.am/storage/img/base_image/old/acb9c6efa41b4b9190deee2ee6d01269.webp)
Հոկտեմբերի 28-ին, մահվան ելքով վրաերթ է տեղի ունեցել Երևանում։ Ժամը 22։00-ի սահմաններում անհայտ մակնիշի և համարանիշի ավտոմեքենայի վարորդը Տիգրան Մեծի պողոտաում վրաերթի է ենթարկել հետիոտնին։ Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը, ում շտապօգնության բժիշկները դրել են պատգարակի վրա, որպեսզի տեղափոխեն հիվանդանոց, մահացել է, իսկ վարորդը վրաերթի ենթարկվածին, ով երիտասարդ տղա էր, թողնելով անօգնական՝ դիմել է փախուստի։
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ մահացածի ինքնությունը, վրաերթ կատարած ու փախուստի դիմած վարորդին և նրա ավտոմեքենան հայտնաբերելու ուղղությամբ։ Գ. Շամշյանի տեղեկություններով՝ վրաերթը կատարած ավտոմեքենան եղել է սև գույնի, արտասահմանյան մակնիշի։
Մանրամասները shamshyan.com-ում