ՏԵՍԱՆՅՈՒԹ. Պահուստները գերազանցում են նախորդ տարիներին եղածներին. Ջավադյան

Կարելի է կանխատեսել, որ տարվա վերջին է մեր արժույթային պահուստները ավելի շատ կլինեն, քան նախորդ տարիներին։ Այս մասին այսօր լրագրողների հետ զրույցում ասաց Կենտրոնական բանկի նախագահ Արթուր Ջավադյանը։

«Խոսքը գնում է մեր կողմից վարվող արտարժութային քաղաքականության մասին: Ինչպես գիտեք, մենք վարում ենք լողացող կուրսի քաղաքականություն: Բայց, մյուս կողմից, մենք այս տարի հնարավորություն ունեցանք բավական արտարժույթ գնել: Դեռ չենք հասել 500 միլիոն դոլարի, բայց դրանից մի քիչ պակաս գնել ենք այս տարի: Դա աննախադեպ է. ես նշեցի, որ նույնիսկ այս տարիներին, երբ դրամի կտրուկ արժևորում էր լինում, մենք այդքան արտարժույթ չէինք գնում»,- նշեց նա:

Ջավադյանը նշեց, որ պահուստների աճը մի քանի առումով կարող է օգտակար լինել երկրի համար: 

Ավելի մասնրամասն՝ shantnews.am-ի տեսանյութում