Օձուն գյուղի 2 տներում հրդեհ է բռնկվել

Հոկտեմբերի 28-ին, ժամը 04:01-ին «911» ծառայություն տեղեկություն է հաղորդվել, որ հրդեհ է բռնկվել Լոռու մարզի Օձուն գյուղի սկզբնամասում՝ 3-րդ փողոցի 2-րդ փակուղու երկու ոչ բնակելի տներում:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ:

Հրդեհը մեկուսացվել է ժամը 05:35-ին, մարվել՝ 08:31-ին:

Այրվել են տներից մեկը՝ ամբողջությամբ (մոտ 120 քմ) և մյուս տունը՝ մասամբ (մոտ 63 քմ):