Ճանապարհաշինության ոլորտում ստանդարտից և որակից ես ինքս գոհ չեմ. Փաշինյան

Մենք մեր երկրում ստանդարտները բարձրացնելու խնդիր ունեն: Այս մասին, այսօր  ԱԺ ֆինանսաբյուջետային հանձնաժողովում 2020 թվականի բյուջեի նախագծի քննարկման ժամանակ իր խոսքում նշեց ՀՀ վարչապետ Նիկոլ Փաշինյանը:

Նրա խոսքով, ճանապարհաշինության հետ կապված այն ստանդարտը, որ այսօր հաստատված է Հայաստանում, այդ ստանդարտից ու որակից ինքը գոհ չէ, չնայած նախկինի համեմատ ճանապարհաշինության որակի հսկայական փոփոխություն կա. 

«Մենք պետք է ստանդարտները բարձրացնենք: Ընդհանրապես պետք է բարձրացնենք կառավարության, Ազգային ժողովի, ՏԻՄ-երի, իրավապահ համակարգի, քննչական մարմինների աշխատանքի որակի ստանդարտները»,-ընդգծեց Փաշինյանը:

«Թույլ տվեք ասել, որ ես հիմա Հայաստանի տնտեսության զարգացման եւ ապագայի վերաբերյալ որպես ՀՀ վարչապետ լավատես եմ եւ վստահ եմ առաքել քան երբեւէ: ՀՀ տնտեսությունը շատ լավ թափ է հավաքել եւ մեր բոլորի խնդիրն է, որ ոչ միայն այդ թափը չկոտրվի, այլ ընթացքը արագանա եւ հասնենք այնպիսի ցուցանիշների, որ Հայաստանում սոցիալ-տնտեսական փոփոխությունները ընթանան ավելի արագ, ավելի արդյունավետ եւ ՀՀ բոլոր քաղաքացիների համար լինեն ավելի տեսանելի»,-իր խոսքն ամփոփեց վարչապետը: