ԲՀԿ պատգամավորը` «Հայելու առաջ» հաղորդման փակման լուրերի մասին

ԲՀԿ-ական պատգամավոր Իվետա Տոնոյանն ԱԺ ճեպազրույցների ժամանակ հորդորեց չքաղաքականացնել Կենտրոն ՀԸ եթերում հեռարձակված Անժելա Թովմասյանի հեղինակային «Հայելու առաջ» հաղորդման փակման հանգամանքը:

Նա նշեց, որ թեպետ ինքը երկար տարիներ ղեկավարել է լրատվական ծառայությունը, սակայն հիմա որևէ առնչություն չունի հեռուստաընկերության հետ:

Իվետա Տոնոյանը նշեց, որ հաղորդման փակմանը ծանոթ է հրապարակային հայտարարություններից:

«Տնօրենը, կարծեմ, դա հիմնավորել էր եթերային ցանցի փոփոխմամբ՝ նոր եթերաշրջան, նոր հաղորդաշարեր: Հեռուստաընկերությունը գործող օրգանիզմ է և այդ տրամաբանության մեջ է»,- ասաց ԲՀԿ-ական պատգամավորը: