Բաբլոյանն ունի կասկածյալի կարգավիճակ, կարգավիճակի փոփոխություն առկա չէ. պաշտպան

ԱԺ նախկին նախագահ Արա Բաբլոյանի Արամ Վարդևանյանը ՀՔԾ-ի մոտ լրագրողների հետ զրույցում հայտնեց՝ դեռ նախաքննության փուլում են, նախաքննական գաղտնիքի ռեժիմում:

«Թույլ տվեք՝ դրանից ելնելով շատ հարցերի չպատասխանեմ և չմեկնաբանեմ: ՀՔԾ-ն մի քանի օր առաջ հայտարարել էր, որ Արա Բաբլոյանն ունի կասկածյալի կարգավիճակ, կարգավիճակի փոփոխություն առկա չէ: Քննչական գործողություններ են ընթանում, հարցաքննություն է իրականացվում: Եկեք՝ որոշակի ժամանակ սպասենք, դրանից հետո շատ ավելի մանրակրկիտ ինքս իմ դիրքորոշումը կհայտնեմ, այստեղ կան մասնագիտական, նույնիսկ նեղ մասնագիտական հարցեր»,- ասաց նա: