Ծեծի ենթարկված բժիշկը վիրահատվել է. վիճակը միջին ծանրության է
Ինչպես արդեն հայտնել ենք, այսօր Ֆանարջյանի անվան ուռուցքաբանության ազգային կենտրոնում արտառոց դեպք էր տեղի ունեցել․ հիվանդանոցի աշխատանքից հեռացված թորակո-աբդոմինալ (որովայնի) բաժանմունքի վարիչ Գագիկ Համբարձումյանի որդին մտել է կենտրոնի ժամանակավոր պաշտոնակատար Նարեկ Մանուկյանի կաբինետ և ամենավերջին խոսքերով հայհոյել նրան ու անգամ հարվածել։ Միջադեպից տուժած Նարեկ Մանուկյանին ցուցաբերվել է բժշկական օգնություն, կատարվել է վիրահատություն։
Hraparak.am-ի տեղեկություններով` քիչ առաջ վիրահատությունն ավարտվել է, տուժած բժշկի մոտ եղել է քթի բազմաբեկորային վնասվածք, ուղեղի ցնցում։ Վիրահատությունը իրականացվել է «Աստղիկ» Բկ-ում։ Վիճակը գնահատվում է միջին ծանրության։
