Արտաշատի շենքերից մեկի բակում մեքենա է այրվել
Հոկտեմբերի 4-ին՝ ժամը 04։21-ին, «911» ծառայություն ահազանգ է ստացվել, որ Արարատի մարզի Արտաշատ քաղաքում՝ Երևանյան փողոցի թիվ 5 շենքի բակում, այրվում է ավտոմեքենա։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 04:31-ին, մարվել՝ 04:34-ին:
Այրվել են «ՎԱԶ-2121» մակնիշի ավտոմեքենայի (սեփականատեր՝ Արտյոմ Հ.) հետևի անվադողը՝ ամբողջությամբ, և բեռնախցիկը՝ մասնակի:
