ԱԻՆ-ը դժգոհում է տեխնիկական հագեցվածությունից
ՀՀ ԱԻ նախարար Ֆելիքս Ցոլակյանն այսօրվա մամուլի ասուլիսի ժամանակ խոսել է համակարգի տեխնիկակական հագեցվածության մասին՝ նշելով, որ իրենք այդ առումով խնդիրներ ունեն:
«Չենք թերագնահատում մեր հնարավորությունները, բայց միաժամանակ չենք գերագնահատում»,-ասել է նախարարը՝ նշելով, որ զարգացած երկրների համեմատ՝ ՀՀ ԱԻՆ-ի տեխնիկական զինվածությունը նույնիսկ միջին մակարդակից ցածր է:
Նախարարը նշեց, որ տեխնիկական օգնություն ստացել են Ճապոնիայից, սակայն սրանք քիչ են և սպասվում են նաև նոր տեխնիկաներ, սակայն մարզային տեխնիկան ավելի քիչ է և պետ է հագեցնել փրկարարաական- մարզական տեխնիկան:
Ցոլակյանը հայտնեց, որ Երևանում կա ընդամենը 12 հրշեջ փրկարարական ջոկատ` 20-ի փոխարեն, բացի դա նա նաև նկատեց քաղաքում ամենօրյա խցանումները, որոնք խանգարում են փրկարարներին օպերատիվ աշխատել: Ցոլակյանը հորդորում է լինել ավելի զիջող և հանդուրժող, նա նաև ասաց, որ այս խնդրով հանդես է գալու կառավարությանը առաջարկով:
