«Ժամանակ». ՊԵԿ նախագահի տեղակալ Ռաֆիկ Մաշադյանի մտերիմի քրեական գործը «ջրվել» է
«Ժամանակ» թերթը գրում է.
Օրերս ԱԱԾ-ն բացահայտել էր ՊԵԿ բարձրաստիճան պաշտոնյայի կողմից կաշառք պահանջելու և ստանալու դեպք։ Արմավիրի մարզում ՊԵԿ բարձրաստիճան պաշտոնյա, հարկայինի պետի տեղակալ Հովհաննես Առաքելյանը կոնկրետ ընկերությունում թույլ տրված խախտումները չարձանագրելու, ստուգումներ չիրականացնելու համար միլիոն դրամ կաշառք էր ստացել: ԱԱԾ-ում քրեական գործ էր հարուցվել, երկու անձի մեղադրանք էր առաջադրվել, նրանք ձերբակալվել էին։
«Ժամանակ»-ի տեղեկություններով, սակայն, այս քրեական գործն արդեն «ջրվել է», իսկ մեղավորները՝ ազատության մեջ են։ Քրեական գործը «ջրելու» և տեղակալին ազատելու գործին, մեր տեղեկություններով, խառնվել է Արմավիրի հարկայինի պետ Մարատ Մարգարյանը, ով հայտնի է որպես Տրամվի պարկի Գոջիի տղա։ Մարատ Մարգարյանը ՊԵԿ նախագահի տեղակալ Ռաֆիկ Մաշադյանի մտերիմն է։ Իսկ քրեական գործը «ջրվել» է, քանի որ քննությունից պարզվելու էր, որ ոչ մի տեղակալ առանց պետի գիտության չէր կարող նման չափի կաշառք վերցնել»։
Մանրամասները՝ թերթի այսօրվա համարում
