ԱԺ «Իմ քայլը» խմբակցության մի շարք պատգամավորներ այսօր միմյանց հաջորդելով մոտենում են ԱԺ ամբիոնին՝ Հրայր Թովմասյանի լիազորությունները դադարեցնելու մասին իրենց կողմից ներկայացրած նախագիծը հիմնավորելու համար։

 Նրանց զգալի մասը մեջբերումներ են անում Թովմասյանի երեկվա հարցազրույցից ու քննադատում այնտեղ հնչած խոսքերը։

Անդրադառնալով Թովմասյանի այն խոսքերին, որ իր պաշտոնում ինքն իրեն զգում է խրամատում՝ դիրք պահելիս, և որ դա «Ղարաբաղ տալ-չտալու հարց է», իմքայլական պատգամավոր Արման Եղոյանը վրդովվեց՝ ուրեմն մենք ադրբեջանցի՞ ենք, որ ինքը մեր դեմ դիրք է պահում։

«Իրա ի՞նչ գործն ա, ընդհանրապես, Ղարաբաղի հարցը ոնց կլուծվի … կամ էդ ո՞վ ա տալիս Ղարաբաղը, իրան որտեղի՞ց տենց տեղեկություն։ Էս ո՞ւմ ա մեղադրում ինքը», – վրդովված ասաց Եղոյանը։

Նա կոչ արեց Թովմասյանին՝ լրջորեն վերանայել բառապաշարը։