Լարսի փոխարեն քննարկվում է այլընտրանքային լաստանավային փոխադրումները. վարչապետ
Ռուսաստանի և Վրաստանի սահմանին Վերին Լարսի անցակետի խնդիրը հայտնի է, և հայկական կողմը փորձում է այդ խնդիրը լուծել ԵԱՏՄ ներքին կարգավորումների միջոցով։ Այս մասին այսօր Ազգային ժողովում հայտարարեց վարչապետ Նիկոլ Փաշինյանը։
Նա նշեց, որ մի քանի անգամ փորձ է արվել նաև որպես այլընտրանք օգտագործել լաստանավային փոխադրումները, և հիմա այդպիսի լուծումը շարունակում է մնալ Հայաստանի իշխանությունների տեսադաշտում։ Վարչապետը սա կապեց Հարավկովկասյան երկաթուղու աշխատանքի բարելավման հետ։
Փաշինյանի խոսքերով՝ դժվար չէ ստեղծել պետական ընկերություն, որը կզբաղվի լաստանավային փոխադրումներով, սակայն պետք է մինչ այդ ստանալ բոլոր հարցերի պատասխանները։
