Արմեն Սարգսյանի օդանավը քիչ առաջ վայրէջք կատարեց Սերբիայի օդանավակայանում. hraparak.am
Քիչ առաջ Սերբիայի մայրաքաղաք Բելգրադի «Նիկոլա Տեսլա» օդանավակայանում վայրէջք կատարեց ՀՀ նախագահ Արմեն Սարգսյանի օդանավը: Այս մասին Սերբիայից հայտնում է hraparak.am-ի թղթակիցը:
Պաշտոնական այցով Սերբիայի Հանրապետություն այցելած Հայաստանի նախագահին ու նրա տիկնոջը՝ Նունե Սարգսյանին օդանավակայանում դիմավորեց Սերբիայի վարչապետ Անա Բռնաբիչը: Պաշտոնական արարողությունից հետո ՀՀ նախագահն ու նրա գլխավորած պատվիրակությունը մեկնեց հյուրանոց:
Վաղը հագեցած գրաֆիկով հանդիպումների շարք է սպասվում Սերբիայի նախագայի, վարչապետի և խորհրդարանի խոսնակի հետ:
