Արդարադատության նախարարն իր հարսանիքի քավորին խորհրդական է նշանակել
Արդարադատության նախարար Ռուստամ Բադասյանն իր հարսանիքի քավորին՝ նախկին փաստաբան Դավիթ Գասպարյանին, խորհրդական է նշանակել։
Տեղեկությունը Tert.am-ի հետ զրույցում հաստատել է Արդարադատության նախարարության հասարակայնության հետ կապերի բաժնի պետ Լուսինե Մարտիրոսյանը:
«Արդարադատության նախարարի խորհրդականի պաշտոնը հայեցողական է. այդ պաշտոնին նշանակումը կատարվում է ըստ վստահության և ենթադրում է վստահության ու պրոֆեսիոնալիզմի բարձր մակարդակ»,-ասել է նա` հավելելով, որ նախարարի խորհրդական Դավիթ Գասպարյանը համապատասխանում է այդ չափորոշիչներին, և նրա նշանակումը կատարվել է դրանք հաշվի առնելով:
