Քանի կառավարությունը համաձայն է, եկեք բարձրացնենք աշխատավարձերը. Կարապետյան
Ազգային ժողովում քննարկման է ներկայացվել նվազագույն աշխատավարձի փոփոխության մասին նախագիծ, որով առաջարկվում է 55 հազարից նվազագույն աշխատավարձի չափը հասցնել 68 հազար դրամի։
Նախնական տարբերակով նախագծի հեղինակ Վարազդատ Կարապետյանն առաջարկել էր բարձրացում մինչև 63 հազար դրամ, բայց կառավարությունը պատրաստակամություն է հայտնել բարձրացնել մինչև 68 հազար դրամի։
ԱԺ ամբիոնից Կարապետյանն ասել է, որ դրական է գնահատում, որ Հայաստանի ամենամեծ գործատուն՝ կառավարությունը, պատրաստ է այս քայլին։
Պատգամավորների մի մասը, սակայն, կարծիք հայտնեցին, որ գուցե ավելի լավ կլինի աստիճանաբար կատարել բարձրացումը։
«Որ դուք առաջարկում եք երկու փուլով գնալ … Ո´չ, քանի համաձայն են, եկեք հենց միանգամից մի փուլով էլ գնանք, իրանք 68 են առաջարկում»,- ժպիտը դեմքին՝ ասել է պատգամավորը։
