Չգիտեմ` որքան հնարավորություն ունի կառավարությունը. Պատգամավորը նվազագույն աշխատավարձերի բարձրացման մասին
Ազգային ժողովում նվազագույն աշխատավարձի մասին քննարկումների ժամանակ իշխանական պատգամավոր Վարազդատ Կարապետյանը ասել է, որ ճիշտ կլիներ՝ ընդդիմությունը ներկայացներ նվազագույն աշխատավարձերը բարձրացնելու նախագիծ։ Սա վրդովեցրեց ԲՀԿ պատգամավոր Սերգեյ Բագրատյանին։
«Օրինակ, ես հիմա առաջարկում եմ՝ մինիմալ թոշակը դարձնել 63 հազար դրամ։ Ի՞նչ եմ ուզում ասել դրանով, որ էնպես չի, որ մեր ցանկությունը համապատասխանում է ձեր հնարավորություններին։ Մենք հաշվի ենք առնում, որ կառավարությունը քիչ հնարավորություններ ունի, և այդ քիչ հնարավորություններից դուք եք ավելի շատ տեղյակ», – ասել է Բագրատյանը։
Հենց դրանով հիմնավորելով՝ Բագրատյանն ասաց, որ ինքը երբեք ֆինանսավորման հետ կապված նախագծեր չի ներկայացնում, որովհետև չի կարող իմանալ, թե որքան հնարավորություններ ունի կառավարությունը։
