Թուրքիային դատի են տվել ԱՄՆ-ի հայազգի քաղաքացիները

ԱՄՆ հայազգի քաղաքացիներ 88-ամյա Պարգև Ղազարյանն ու նրա որդին` Կարո Ղազարյանը, Թուրքիայի դեմ դատական հայց են ներկայացրել մուտքի վիզա չտրամադրելու համար: Ղազարյանները ցանկացել են պատմական հայրենիքում այցելել իրենց պապերի գյուղը: 

Պարգև Ղազարյանը ծնվել է 1931-ին Թուրքիայի Կալադուրան գյուղում: 2017-ին որոշել է մեկնել Թուրքիա և իր հայրենի գյուղ  այցելել: 

«Պարգև Ղազարյանը դիմել է Վաշինգտոնում Թուրքիայի դեսպանատուն, վիզայի դիմումի մեջ նշել է իր ազգային պատկանելությունն ու դավանանքը, ինչպես նաև այցի նպատակը»,- փոխանցում է Asbarez-ը: 

Թուրքիայի դեսպանատունը մերժել է Ղազարյանին, որպես պատճառ նշվել է հայկական ծագումը: